Goue Drome

2009 was beslis vir die sangpaartjie, Wynand Strydom & Chereé, hulle beste jaar nog! Met al die opwindende verwikkelinge in hul persoonlike- en musieklewens, beloof die nuwe jaar beslis om propvol hoogtepunte vir albei die kunstenaars te wees. 

Wynand & Chereé beloof  hierdie jaar ewig trou aan mekaar op 4 April wanneer hul hulle liefde vir mekaar saam met hul familie en vriende deel. Dié Weskuspaartjie het besluit hul tree op die wit strande van hul tuisdorp, Langebaan, in die huwelik. Hulle deel ook hul mooiste dag saam met hul ondersteuners, en net na die troue sorg Huisgenoot dat die hele SA van die tweetjies se spesiale dag weet! Die nuwe Tempo Tydskrif hou ook 'n groot verrassing in vir die wat graag meer van die persone agter die kunstenaars wil weet. Daar is deesdae baie aanvraag vir die twee kunstenaars as duetpaar, maar as indiwidue volg albei nog steeds hul eie musikale drome. 

Wynand is die man met die onvergeetlike diep stem wat hartsnare regoor SA roer! Sy sukses as solokunstenaar is as gevolg van baie talent, baie passie en groot album verkope. Vir die wat Wynand se musiek vir die eerste keer gehoor het in 2005, is sy nuutste skeppings altyd iets om na uit te sien! Hy het onlangs die repertoire vir sy nuwe album     voltooi, maar nuwe ontwikkelinge in sy loopbaan blaas vars lug in sy lewe - hou maar die media dop, want Wynand is nog besig met groot dinge! Hy werk ook tans aan 'n lootsprogram vir 'n televisie program wat hy in 2010 wil vervaardig. Buiten die feit dat hy 'n ''likeable'' ou is, is hy ook 'n hardwerkende kunstenaar wat vandag nog steeds in aanvraag is regoor SA.

Chereé se splinternuwe album, In My Drome, het onlangs baie media aandag gekry en het op verskeie televisieprogramme soos KykNET se DKNT & Jukeboks verskyn. Chereé is al vir baie jare in die musiekbedryf en haar positiewe uitkyk op die lewe kom sterk deur in haar musiek! Die Kaapse country sangeres steel harte met haar unieke stem en haar aansteeklike persoonlikheid. Oor die volgende paar maande fokus Chereé en Leo Musiek op die bemarking van die nuwe album, wat sonder twyfel nog een van die grootste treffers in 2010 gaan wees. Sy werk ook aan verskeie ander projekte wat sy graag hierdie jaar wil aanpak, en soos haar verloofde, een van die dae haar man, het sy ook drome om hierdie jaar 'n dokumentêre TV-program te vervaardig. Sy begin ook eersdaags werk aan 'n paar nuwe musiekvideos, asook 'n DVD projek wat Leo Musiek nog hierdie jaar sal vrystel.  

Een ding is verseker, hierdie is 'n kragtige paartjie met vele talente en vele drome. Gedurende Maart word een van hulle drome waar wanneer hulle die voorreg het om die Skouspel Plus verhoog te deel met al die groot name in die SA musiekbedryf. Wynand & Chereé is deel van Huisgenoot se Skouspel Plus konsert wat dan by Grand West Casino sal plaasvind.

'n Nuwe jaar met nuwe uitdagings, 'n kans om alles weer van vooraf aan te pak!  Die twee kunstenaars streef elke dag daarna om beter te wees in dit wat hulle doen, om 'n bietjie meer te gee as wat hulle gister gegee het, en om hul lewens en hul musiek saam te kan deel.

Wynand & Chereé wens jou liefde, hoop en geluk in die nuwe jaar - mag al JOU drome ook waar word!

BABY TJOKLITS - GEHARD STEYN

CD: BREEKBAAR - GERHARD STEYN - RMD

Gooi jou arms om my - Vaughan Gardiner

CD: WIE EK IS - VAUGHAN GARDINER - KOPIEREG DEUR MOZI

Jy doen dit vir my - Flip a coin

www.flipacoin.co.za

Nog video's - klik hier!