GOUE DROME
 
Jou musiek ... ons passie!

Carina Renz

Chandré

Gouwsie

Jerome Alden

John Perkins

Kaalvoetklong

Marinus van Rooyen

2008 BAY FM SPIRAAL-

toekennings

Jacques Arendt, Stasiebestuurder: BAY FM 107.9 en seremoniemeester by die 2008 BAY FM SPIRAAL-toekennings - Foto: Michelle Mattheus

 

 

Die 2008 BAY FM SPIRAAL-paneel (vlnr): Pieter Rademeyer, Louis Potgieter, Zeta Strydom, Mark Scriven en Iloreez Meyer - Foto: Elsie van Eck

 

 

Marinus van Rooyen

2008 SPIRAAL-stêr

2008 SPIRAAL vir BESTE KUNSTENAAR, 2008 SPIRAAL vir BESTE LIEDJIE met DIE HELE BOKSEMDAAIS, Posisie nr 5 in die kategorie BESTE PRESTEERDER: TOP 5 LOCAL KLANKE met DIE HELE BOKSEMDAAIS, Posisie nr 3 in die kategorie BESTE LIEDJIE met EK SOEK JOU - Foto: Michelle Mattheus

 

André M - 2008 SPIRAAL vir BESTE LIEDJIESKRYWER

posisie nr 6 in die kategorie BESTE PRESTEERDER: TOP 5 LOCAL KLANKE met GOUD EN SILWER, posisie nr 4 in die kategorie BESTE LIEDJIE met JOU STEM SNY, posisie nr 3 in die kategorie BESTE KUNSTENAAR - Foto: Elsie van Eck

Carina Renz - 2008 SPIRAAL vir BESTE PRESTEERDER: TOP 5 LOCAL KLANKE - Foto: Michelle Mattheus

Gouwsie - 2008 SPIRAAL vir MEES BELOWENDE KUNSTENAAR

Posisie nr 2 in die kategorie BESTE PRESTEERDER: TOP 5 LOCAL KLANKE, posisie nr 2 in die kategorie BESTE KUNSTENAAR - Foto: Elsie van Eck

 

Ricky Venter - posisie nr 10 in die kategorie BESTE LIEDJIE met DIS NJA IN SUID-AFRIKA  - Foto: Michelle Mattheus

 

Robert Gillmer - posisie nr 10 in die kategorie BESTE PRESTEERDER: TOP 5 LOCAL KLANKE met PA SE OOGAPPELWALS - Foto: Michelle Mattheus

Mattheus - Foto: Michelle Mattheus

Martin Kernekamp - posisie nr 4 in die kategorie BESTE PRESTEERDER: TOP 5 LOCAL KLANKE met MY FAIRYTALE, posisie nr 6 in die kategorie BESTE LIEDJIE met MY FAIRYTALE - Foto: Michelle Mattheus

ELSaBé Rademeyer - posisie nr 9 in die kategorie BESTE PRESTEERDER: TOP 5 LOCAL KLANKE

- Foto: Michelle Mattheus

Don Vallance - posisie nr 7 in die kategorie BESTE PRESTEERDER: TOP 5 LOCAL KLANKE met EK MAAK JOU MYNE en posisie nr 3 in dieselfde kategorie met LANGPAD, posisie nr 5 in die kategorie BESTE LIEDJIE met EK MAAK JOU MYNE, posisie nr 6 in die kategorie BESTE KUNSTENAAR - Foto: Elsie van Eck

Deon le Roux - Foto: Michelle Mattheus

Crash Feever - Foto: Michelle Mattheus 

MARINUS VAN ROOYEN IS DIE 2008 BAY FM SPIRAAL-STêR

Puik talent ... ‘n hele broeikas vol splinternuwe liedjies ... uitstekende verwerkings … klank uit die boonste rakke … stylvolle atmosfeer … professionele seremoniemeester … dit alles het die 2008 BAY FM SPIRAAL-toekennings wat op Vrydag 23 Januarie by die Hoërskool Andrew Rabie, Port Elizabeth plaasgevind het, ‘n baie spesiale geleentheid gemaak. Die algehele wenner was Marinus van Rooyen, bekende sanger van Despatch wat die toekenning ontvang het vir BESTE KUNSTENAAR. Hierdie begaafde sanger het ook die toekenning vir BESTE LIEDJIE vir sy liedjie DIE HELE BOKSEMDAAIS ontvang. Ander SPIRAAL-toekennings was ingepalm deur André M vir BESTE LIEDJIESKRYWER, CARINA RENZ vir BESTE PRESTEERDER: BAY FM TOP 5 LOCAL KLANKE en GOUWSIE vir MEES BELOWENDE KUNSTENAAR. Die seremoniemeester by die geleentheid was Jacques Arendt, stasiebestuurder van BAY FM 107.9.

Die formaat van die geleentheid was ‘n glansaand, waar genomineerde Oos-Kaapse talent hulle beste voetjie voorgesit het en toekennings gemaak was aan diegene wat verkies word as die bestes onder die bestes. Daar was 19 Oos-Kaapse talentvolles en 29 oorspronklike liedjies genomineer vir hierdie, reeds gesogte, toekenning.

Marinus van Rooyen is ook bekend as Suid-Afrika se Roy Orbison en skryf self liedjies. Hy tree gereeld by die Boardwalk Casino in Port Elizabeth op asook regoor die land by feeste privaat en korporatiewe geleenthede. In 2005 en 2006 het hy die VOALIM toekennings vir BESTE KUNSTENAAR en  BESTE LIEDJIE asook die Jacques Arendt wisseltrofee vir die MEES BELOWENDE KUNSTENAAR in 2005 ontvang. Marinus het onder die KYKnet TOP 100 Afrikaanse Idols geëindig en onder die TOP 30 in Patricia Lewis se SUPERSTERRE op SABC2. Hy is ook lid van die bekende Oos-Kaapse sanggroep, SIKLUS!.

‘n Paneel van kundige beoordelaars is deur BAY FM aangestel om die wenners te selekteer. Hierdie jaar se paneel het bestaan uit Pieter Rademeyer (onderwyser, sakeman en self ook ‘n sanger), Zeta Strydom (musiekonderwyseres by Hoërskool Framesby), Louis Potgieter (musiekonderwyser by Hoërskool Andrew Rabie), Iloreez Meyer (eienares van die Iloreez Meyer Sangakademie op Despatch en ook organiseerder van die jaarlikse BAY FM / JIP sangkompetisie) en Mark Scriven (publieke paneellid).

BAY FM 107.9, in samewerking met GOUE DROME, poog om soveel moontlik impak op die ontwikkeling van die Oos-Kaapse musiekbedryf te maak deur onder andere die BAY FM GOUE DROME TOP 5 LOCAL KLANKE aan te bied as stimulus vir plaaslike talent om nuwe liedjies te skep en radiokwaliteit opnames te maak.

 

Sangers en liedjieskrywers wat deur platemaatskappye opgeteken is en/of reeds gereelde nasionale blootstelling op radio/TV geniet, kwalifiseer nie vir SPIRAAL-toekennings nie.

 

Paneellede het geluister na die 29 snitte en ‘n mening gevorm oor, onder andere, die volgende aspekte voordat hulle die toekennings doen:

 

a.    Sanger se stemwerk (intonasie, duksie, ens.)

b.    Verbale vertolking van die liedjie

c.    Sanger se kanse op kommersiële sukses in die huidige mark

d.    Kwaliteit van die begeleidingsnit

e. Oorspronklikheid, vernuftigheid en gepastheid van die instrumentasie en ander effekte wat gebruik is in die begeleidingsnit

f.    Oorspronklikheid, vernuftige taalgebruik, eietydse toepaslikheid van tema en interessantheid van liedjie

g.    Kommersiële potensiaal van die liedjie

h.    Algemene indruk uit ‘n radio-oogpunt

Een van die paneellede, mnr Pieter Rademeyer, eienaar van Elizabeth Place, het namens die paneel hulle tevredenheid uitgespreek met die groot vordering wat met onder andere die hulp van BAY FM gemaak word om Oos-Kaapse talent te ontwikkel. Hy het al die kunstenaars, veral ook diegene wat nie toekennings ontvang het nie, aangemoedig om voort te bou op hulle prestasies en uiteindelik ‘n verskil in die musiekbedryf te maak.

 

Die volledige toekenningslys is soos volg:

 

2008 SPIRAAL VIR BESTE KUNSTENAAR: MARINUS VAN ROOYEN (DESPATCH)

In hierdie afdeling het die BAY FM SPIRAALPANEEL nadat hulle deeglik geluister het na al die kunstenaars wat genomineer is, ‘n stemming gehou waardeur daar bepaal is watter kunstenaar volgens stemkwaliteit, musikale standaard en vertolking die beste is.

 

Marinus van Rooyen is ‘n persoon wat geen bekendstelling nodig het nie en wat alreeds groot treë in die Oos-Kaapse musiekbedryf getrap het. Hy is die kunstenaar wat waarskynlik die meeste van al die plaaslike talent optree en gereeld met vol besprekings spog. Hy is voorheen twee keer deur VOALIM gekroon as die BESTE KUNSTENAAR en het ook twee keer VOALIM se BESTE LIEDJIE-kategorie ingepalm.  

Posisie nr 2:             GOUWSIE

Posisie nr 3:             ANDRé M

Posisie nr 4:             IAN VENTER

Posisie nr 5:             ROBERT GILLMER

Posisie nr 6:             KEVIN DOUGLAS

Posisie nr 7:             DON VALLANCE

Posisie nr 8:             OORKRUIPER

Posisie nr 9:             SEMANDIE GERBER

Posisie nr 10:          LIONEL KLUE

  

2008 SPIRAAL VIR BESTE LIEDJIE: MARINUS VAN ROOYEN (DIE HELE BOKSEMDAAIS) (DESPATCH)

In hierdie afdeling het die BAY FM SPIRAALPANEEL, nadat hulle deeglik geluister het na al die liedjies wat genomineer is, ‘n stemming gehou waardeur daar bepaal is watter liedjies volgens musikale standaard en radiokwaliteit asook aanbieding die beste is.

 

Posisie nr 2:  KNYSNABOSROCK – Ian Venter

Posisie nr 3:  EK SOEK JOU – Marinus van Rooyen

Posisie nr 4:  JOU STEM SNY – André M

Posisie nr 5:  EK MAAK JOU MYNE – Donovan Vallance

Posisie nr 6:  MY FAIRYTALE – Martin Kernekamp

Posisie nr 7:  TANGO – Kevin Douglas

Posisie nr 8:  LANGPAD – Donovan Vallance

Posisie nr 9:  PIENK CADILLAC – Semandie Gerber

Posisie nr 10:DIS NJA IN SUID-AFRIKA – Ricky Venter

 

2008 SPIRAAL VIR BESTE LIEDJIESKRYWER: ANDRé M (QUEENSTOWN)

Hierdie liedjieskrywer word vereer vir sy massiewe bydrae tot veral die Afrikaanse musiekskat in die Oos-Kaap. Talle Oos-Kaapse kunstenaars het reeds liedjies van hierdie man opgeneem. Hy is self ook ‘n sanger en sy album Koshuiskind is ‘n toonbeeld van uitstekende lirieke en musiek. Die bekende sanger, Wynand Strydom, het onlangs drie van André M se liedjies op sy nuutste album, VASGEVANG IN MY, opgeneem. 

2008 SPIRAAL VIR BESTE  PRESTEERDER: TOP 5 LOCAL KLANKE: CARINA RENZ (KIRKWOOD)

In hierdie afdeling word die kunstenaars wat die beste gepresteer het by wyse van totale uitgebragte stemme en ook gereelde hoë posisie op die BAY FM GOUE DROME TOP 5 LOCAL KLANKE wat elke Saterdag om ongeveer 09:45 uitgesaai word, en ook waar van toepassing in ag genome hulle posisie op die BAY FM Afrikaanse TOP 40, vereer vir hulle prestasie. Hierdie is dus gebaseer op die aantal stemme wat elkeen verwerf het en die SPIRAAL-paneel het nie hieraan ‘n aandeel gehad nie.

 

Posisie nr 2: GESKEURDE GATSAK - Gouwsie

Posisie nr 3: LANGPAD – Donovan Vallance

Posisie nr 4: MY FAIRYTALE – Martin Kernekamp

Posisie nr 5: DIE HELE BOKSEMDAAIS – Marinus van Rooyen

Posisie nr 6: GOUD EN SILWER – André M

Posisie nr 7: EK MAAK JOU MYNE – Donovan Vallance

Posisie nr 8: DAAR’S NOG PLEK – Lionel Klue

Posisie nr 9: BABY BABY BABY – ELSaBé Rademeyer

Posisie nr 10: PA SE OOGAPPELWALS – Robert Gillmer

2008 SPIRAAL VIR MEES BELOWENDE KUNSTENAAR: GOUWSIE (JOUBERTINA)

Soms sien mens ‘n juweel op ‘n afstand. En vir ‘n geoefende oog neem dit nie lank om selfs te sien hoe hierdie juweel geslyp moet word nie, en so ‘n juweel is GOUWSIE. Dit is duidelik dat hierdie jongman nog groot treë gaan loop in musiekkringe. Hy het gehore in ‘n ommesientjie aan sy voete wanneer hy begin met sy danspassies en lewendige musiek. En op slegs 15-jarige ouderdom is hy alreeds in aanvraag by talle feeste en ander geleenthede.